الرئيسيةس .و .جبحـثالتسجيلدخول
تابعنا على فيس بوك تابعنا على تويتر
أهلا وسهلا بك في منتدى قرية بني حميل التابعة لمحافظة سوهاج ، إذا كانت هذه زيارتك الأولى للمنتدى، و عندك استفسارات
يمكنك زيارة صفحة التعليمات
بالضغط هنا كما يشرفنا أن تقوم بالتسجيل بالضغط هنا اذا نسيت كلمة السر اضغط هنا




زائر الرجاء الانتباه إلى ان المتصفح الاكسبلورر يسبب مشاكل كثيرة في تصفح المنتدى ومنها مشكلة البُطء الشديد في التصفح
 
لذا انصحك باستخدام المتصفح الفايرفوكس حيث انه الافضل واسرع متصفح على الاطلاق , لتحميل المتصفح اضغط هنـــــا





العضو المميز المشرف المميز الموضوع المميز القسم المميز



ابو منار
ايمن التمن
أعلام من بني حميل
المنتدى الإسلامي
 نُرحب بالعضو(ة) الجديد(ة) ( embabi ) وندعوة  للضغط هُنا 
المواضيع الأخيرة
KGO900GGFX فرن كلوجمان فرن غاز بلت ان 90 سم 91 لتر  الخميس ديسمبر 01, 2016 12:11 pm من طرف شيرى رى         افضل شركة كشف تسربات المياه عزل مائي وحرارى للاسطح والخزانات   الخميس ديسمبر 01, 2016 1:06 am من طرف rogina         KT905X مسطح كلوجمان بلت ان غاز أستانلس ستيل فى زجاج اسود 90 سم 5 شعلات  الإثنين نوفمبر 28, 2016 1:46 pm من طرف شيرى رى         الشيخ ياسين التهامى حفله بنجا 2013 اهوا الوجوه  الجمعة أكتوبر 21, 2016 2:59 pm من طرف ابو يحيي         فيلم الــقــفـــص 2016 مترجم كامل حصريا الاكشن والقتال المنتظر بشدة  الجمعة أكتوبر 21, 2016 2:58 pm من طرف ابو يحيي         ليلة عمي الشيخ محمد ابوالوفا عاشور العارف بالله ساقلته محافظه سوهاج3  الجمعة أكتوبر 21, 2016 2:24 pm من طرف ابو يحيي         شركة كشف تسربات المياه بدون تكسير عزل مائي وحرارى  الإثنين أكتوبر 17, 2016 6:37 pm من طرف عصام بدر         فيلم Total Reality (1997) كامل - Full Movie  الإثنين أكتوبر 17, 2016 5:18 pm من طرف ridarifay         الشيخ ياسين التهامى مولد الشيخ ابو شامه فاولجه ساقلته سوهاج ج1  السبت أكتوبر 15, 2016 12:30 pm من طرف ابو يحيي         الشيخ احمد بعزق شريط مالك الملك كامل  السبت أكتوبر 15, 2016 12:51 am من طرف ridarifay         الشيخ ياسين التهامى مولد الشيخ ابو شامه فاولجه ساقلته سوهاج ج2  السبت أكتوبر 15, 2016 12:48 am من طرف ridarifay         شفاط مطبخ المانى شفاطات كلوجمان الالمانية شفاطات بوتاجاز 90 سم  الإثنين أكتوبر 03, 2016 1:08 pm من طرف شيرى رى         بوتاجاز بلت ان غاز أستانلس ستيل 60 سم كود AS5275  الإثنين سبتمبر 19, 2016 12:42 pm من طرف شيرى رى         فرن كلوجمان اندرويد فرن كهرباء بلت ان 60 سم 12 وظيفة 72 لتر KO610ICX  الأحد سبتمبر 04, 2016 12:16 pm من طرف شيرى رى         شفاط مطبخ هرمى ماركة سيلفرلاين 90 سم 5 سرعات قوة شفط 750م3/س  الخميس سبتمبر 01, 2016 12:19 pm من طرف شيرى رى        

...... | 
 

لماذا يجب ان يرحل مبارك ونظامه فورا

.."https://i35.servimg.com/u/f35/14/75/40/08/notifi11.gif">
كاتب الموضوعرسالة
 ~|| معلومات العضو ||~
ابو تريكة
~|| بيانات العضو ||~
الجنس : ذكر
الموطن : مصر
تاريخ التسجيل : 27/11/2010
عدد المساهمات : 12
  

تاريخ كتابة المُساهمة الخميس فبراير 10, 2011 3:05 pm      

لماذا يجب ان يرحل مبارك ونظامه فورا

[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]

شعب
مصر (بلد الحضارة) يرفض حسني مبارك ولو لثانية واحدة


لماذا
يجب ان يرحل مبارك ونائبه ونظامه فورا ،ولماذا يجب الا نصدق وعودهما التي ثبتت
لدينا وهميتها وزيفها على مدى 30 عاما ؟؟؟
اقرأ وسيتضح لك حقائق كثيرة ورجاء نشر
هذا الموضوع عند اقتناعك لان هناك بعض الناس ممن التبس عليهم الامر وصدقوا تخويفات
الحكومة و حشرات الحزب الوطني بان هناك فراغ دستوري وان البلد هتخرب وان الاخوان او
غيرهم هيركب الموجة


الفئات
الثلاثه الذين يدافعون عن النظام :

1-فئه
مش فاهمه
2-فئه خائفه
3-فئه مستفيده


1-الفئه الاولي مع تصاعد واستمرار الثوره بدأت تفهم والدليل
ازدياد الاعداد وكذب التليفزيون المصري الذي جاء بنتائج عكسية
2-الفئه الثانيه
الخائفون كالاولي وهؤلاء استمرار الثوره والمكاسب النسبيه التي تحققت زال عنهم
الخوف
3- المستفيدون وهولاء ليسوا بكثير ولكنهم مازالو يسيطرون علي بعض الناس او
استأجارهم


فاذا
حسبناه ازدياد اعداد الفئه الاولي +الخائفون+تمرد المسيطر عليهم والمؤجرين نتيجه
التعاطف مع من قتل واهله ومعارفه واستبداد السلطه
فلن يبقي الا القله المستفيه
وهؤلاء يتمثلون في رأس السلطه وقاده الجهاز التنفيذي ورجال المال الفاسدين
اذن
نحن امام ثوره شعبيه وارادة شعب من حقه ان يفرض ما يراه من نظام حكم يحقق اماله
واحلامه والا نعتبر انفسنا محتلون ولنا في هذه الحاله لنا الحق
ان ندافع عن
استقلالنا .


وفي
البداية كده يا ريت نشوف الصورة دي :


[ندعوك للتسجيل في المنتدى أو التعريف بنفسك لمعاينة هذه الصورة]

وياريت
تشوف الفيديو ده :




واذا
حبيت اضغط علامة التشغيل وشوف الفيديو ده :





[ندعوك للتسجيل في المنتدى أو التعريف بنفسك لمعاينة هذه الصورة]

ولو
تحب تقتنع بالارقام والحقائق اقرأ معي ما كتبه مهند الحسيني (شاب مصري غلبان) في
صفحته على الفيس بوك


هقولك
ليه لازم يمشي ....


بيقولك بياخدوا خمسين جنيه ووجبة
كنتاكي ....
نفترض إن ده صحيح .. طيب اللي يوصل الملايين من الشعب اللي بيحكمه
انهم يواجهوا خطر الموت بالرصاص المطاطي او الرصاص الحي او سيارات الشرطه او اسلحة
وجمال البلطجية مقابل خمسين جنيه ووجبة كنتاكي

مش لازم
يمشي؟

[ندعوك للتسجيل في المنتدى أو التعريف بنفسك لمعاينة هذه الصورة]

بيقولك
مدربين في ايران وامريكا وقطر ومعرفش فين .... ومندسين واجندات
نفترض إن ده صحيح
... طيب اللي بيحكم بلد فيها متظاهرين بالملايين مدربين في دول خارجيه مش معني ده
انه بيحكم بقاله تلاتين سنه والنتيجه بلد مخترقة تم تجنيد الملايين فيها ليكونوا
عملاء ضدها يعني مش عارف إزاي يأمن مصر

مش بردو لازم يمشي
؟


[ندعوك للتسجيل في المنتدى أو التعريف بنفسك لمعاينة هذه الصورة]

بلغ
عدد المندسين 2 مليون في ميدان التحرير
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

بيقولك
دول الإخوان هم اللي في الشارع وهم المحركين والمنظمين والمحرضين .... !
نفترض
إن ده صحيح ... طيب اللي بيقول ان الملايين دول كلهم اخوان مش مكسوف انه بيقول
عليها جماعه محظوره ! وازاي بيدعي انه نظام ديموقراطي وهو مانع تيار بيمثل الملايين
داخل الشارع المصري ؟ وازاي لمدة تلاتين سنه بيسجن فيهم وبيسحل امهم وبردو لسه ليهم
مؤيدين بالملايين مش بردو ده بيعتبر فشل سياسي وأمني

مش بردوا الفاشل لازم
يمشي ؟


بيقولك
حبيب العادلي هو اللي ادى أوامر بقتل 500 من الشباب في الاسابيع اللي فاتت و5000
مصابين من اللي خرجوا المظاهرات وهو اللي رعب المصريين امنيا بسبب إنه أمر قوات
الشرطة من الشارع المصري بالإنسحاب واحداث فراغ أمني تليه فوضى مترتبه تمام
....!

تسأله ليه بتقول حبيب العادلي ؟

يقولك ياعم ما هو وزير
الداخليه يعني رئيس الشرطه كلها يعني الراس الكبيره !

ههههههههههههه صح تمام
كلامك ياكفاءه بس ملحوظه اصححلك

مبارك ... هو الراس الكبيره عارف ليه ؟ لإن
مبارك هو الرئيس الأعلى لجهاز الشرطه

متستغربش اهدي بس .... عارف انك مصدوم
..... بتقول دلوقتي جواك يبقى مبارك هو اللي لازم يمشي ... صحن كدا

عرفت ليه
مبارك هو اللي لازم يمشي ؟


حصلت حرائق في غابات في إسرائيل اللي
المفروض انها عدو رئيسي وأساسي للعرب وللمسلمين علي طول مبارك بعت الطائرات علشان
تساعد أصدقاؤه في إطفاء الحرائق هناك ولما مات ألف و 400 مصري في العباره لم يخرج
ليعزيهم أو يعتذر لهم عن ما حدث في عهده وعندما إحتراق مئات المصريين في قطار
الصعيد لم يخرج ليعزيهم وأيضا لم يعتذر وعندما مات المصريين في الطائره في حوادث
متكرره لم يعزيهم أو يعتذر لهم وعندما مات المصريين علي شواطيء دول أوروبا وهم
زاحفون علي بطونهم بحثا عن رغيف عيش مش لاقيينه فبلدهم بردو مخرجش واعتذر لهم إنو
مقدرش يوفرلهم فرص للحياة الكريمة فبلدهم والفاجعة الكبري اللي حصلت أمام أعين
العالم كله من قتل عمد للشباب المصري البريء الطاهر اللذي خرج في ثورة سلمية منذ
يوم 25 يناير أيضا لم يخرج ليعزيهم أو يعتذر لهم

اكيد ملاحظين أد إيه مبارك
بيتعامل مع المصريين بمنتهى التعالي والصلف والتكبر والعنجهية

عرفتوا ليه
مبارك لازم يمشي

بيقولك
ياخونا ما هو الرئيس قال مش هيترشح تاني ...
حلو ... تضمنلنا ؟
ابسطهالك ...
مبارك زمان في خطاب من أول خطاباته أول ما مسك الحكم بعد الرئيس السادات قال بالحرف
الواحد أنه لن يبقي في الحكم لأكثر من فترتين لا أكثر عارف بعديها بكام شهر عمل
ايه

غير الماده 76 من الدستور وبدل ما تبقي ويجوز للرئيس البقاء في السلطه
لمده اخري يعني يبقي علي الاكثر مدتين بس يعني كبيره عشر سنوات في الحكم
عارف
عمل ايه

شال حرف الهاء وحط حرف الدل بدل مده بقت مدد ومن ساعتها وهو لازق
تلاتين سنه !

كداب صح ؟

بتقول صح ... طيب ما هو كدب زمان ايه يضمنلنا
انه مبيكدبش المره دي كمان ؟

ويطلع كام الف واحد كدا قابضين أو أصحاب مصالح
ومنتفعين أو حتى بعض العوام يقعدوا يعيطوا على القنوات وفي الشوارع بمظاهرتين
خيبانين كدا علي رأي عمار الشريعي مظاهرات فستك فستك .. ويروح طالع المعدل ويقول
نزولا علي رغبة الشارع المصري العظيم قررت ارشح نفسي تاني ساعتها إيه العمل ياحلو
؟

هتقولي ساعتها خرجوا الملايين تاني وعرفوه شغله .. حبيبي هو ده اللي هيحصل
لكن انا بقولك يمشي علشان كداب مش عشان خايف انه يرشح نفسه تاني ومصر مينفعش يحكمها
كداب ولا إنت ايه رأيك ؟

عرفت ليه لازم يمشي
؟


سامعك
بتقول بس مبارك لو مشي هيبقي في فوضى ؟

اولا هي مصر بلد بيحكمها ديكتاتور
ولا بلد مؤسسات ؟

بتقول مؤسسات هقولك دولة المؤسسات مبتتهزش لغياب شخص واحد
حتي لو كان الرئيس فمتخافش

هتقول ياعم عارف انه ديكتاتور لكن انا دلوقتي
بتكلم فمصلحة مصر لإن مصر أهم منه هقولك انت اللي قلت ديكتاتور يعني ده دليل علي
إننا لما بنقول لازم يمشي بنقول الحق لكن خليني اجاوبك علي سؤالك وخوفك
واطمنك

مبارك لما يتنحي للنائب بتاعه هتتعمل حكومة انتقاليه ائئتلافيه علشان
تدير شئون البلد ويتعمل لجنة تأسيسيه لوضع دستور جديد للبلد ويتحاكم كل الحراميه
اللي سرقوني وسرقوك ويكون في الحكومه كل اطياف الشعب مع أحد القيادات البارزة
بالجيش مثلا ورئيس المحكمه الدستوريه العليا وكل دول يديروا شئون البلد لحين عمل
انتخابات حقيقيه

لكن مبارك شايف إن مصلحته فوق مصلحة مصر علشان كدا مش راضي
يمشي

عرفت ليه لازم يمشي ؟


عارف يا صاحبي ديون مصر المحليه
والخارجية كام ؟
850 مليار دولار ... يانهار ازرق ! اه والله شايف مصر رايحه فين
؟

عرفت ليه لازم يمشي ؟

عارفين
في كام واحد في مصر فقير ؟

48 % دخلهم اقل من دولار واحد في اليوم يعني
تقريبا لو قلنا عدد المصريين 80 مليون فيبقى فيهم 34.400.000 مطحون .. متخيل ؟ وعلي
فكره مبارك بيحكم بقاله تلاتين سنه والواقع من سيء لأسوأ

عرفت ليه لازم يمشي
؟



عارف احصاءات البنك المركزي والجهاز
المركزي للمحاسبات اللي هو جهاز حكومي اصلا بمصر بيقولوا ايه ؟

حوالي 300
مليار دولار مش مليون لا مليار تم تهريبهم خارج البلاد في غضون العشر سنوات الاخيره
؟

عرفت ليه احنا فقرا ؟

وعرفت ليه مبارك لازم يمشي ؟

تابع كدا ... الجنيه المصري : الدولار= 85 قرش سنة1981م
و 6 جنيهات وربع سنة 2005 م الجنيه بقه سعره زي الطين والاقتصاد منهار

عرفت
ليه لازم يمشي ؟



ممنوع
علي أصحاب القلوب الضعيفة قراءة الآتي ... ارجوكم ادعوا لمصر ربنا يفك
أسرها


التلوث ... أعلى نسبة في العالم رغم
اننا لا دولة مصنعة ولا نيلة النيلة .

معدل الإنفاق الحكومي للفرد الواحد
... 10 دولار سنويا.

القضايا ... 20 مليون قضية بالمحاكم أقدمها منذ 38 عام
لم تحل للآن " متخيل ؟ ".

الإنتحار ... 1200 حالة انتحار سنويا .. 24% منها
في القاهرة ، 19.5% في القليوبية

العنوسه ... 9 مليون عانس منهم 4 مليون فوق
سن 35 " عارف أسباب العنوسة أكيد ".

الهجرة ... عارف كام واحد هجوا من الفقر
والظلم والفساد فمصر ؟ .

8 مليون مصري ودي الأرقام الرسمية ده غير الهجرة
غير الشرعية متخيل ؟ .

عام 2005 ... لما نجح بالتزوير وقتل وسجن معارضينه
عارف كام واحد قدموا طلب هجره للولايات المتحده بس ؟ 6 مليون مصري .

الأميه
... عارف اول شعب قرأ مين ؟ المصريين ! وعارف مين اللي علم معظم دول العالم القراء
ه خصوصا الدول العربية والأفريقيه ؟ المصريين اه والله احنا .

وعارف دلوقتي
نسبة الأميه عندنا كام ؟ 28% من الشعب المصري لا يعرف القراءه والكتابه يعني حوالي
22.4 مليون مصري متخييييييييييييييييييييييييييييييييييل ؟

التعليم .... 7%
من اطفال مصر لا يدخلون المدارس بسبب الفقر الشديد " متخيل ؟"

عمالة الأطفال
... 500 الف طفل تحت سن الثانية عشرة

أطفال الشوارع ... تقربر الأمم المتحدة
: 100 ألف طفل

عشوائيات : 45% من الشعب يسكن العشوائيات.. 35 منطقةعشوائية
بالقاهرة فقط

موظف الحكومة : تحت خط الفقر ويؤخذ منه ضرائب( ستة جنيهات
متوسط دخل الموظف يومياً )

المخدرات : 6 مليار دولار سنوياً في تجارة
المخدرات

مشاكل أخلاقية ....

رشوة،.... محسوبية،.... بلطجة،
....توريث المهن، ....عُري، ....زواج عرفي.... ,قتل الأزواج،.... امتهان وتحرش
بالنساء،.... ألفاظ بذيئة،.... صحافة .....غش جماعي.... وجريمة ....و
تسول.

عرفت ليه مبارك لازم يمشي ؟


الأحوال السياسية ...

سيطرة وفساد النخبة الحاكمة،
....مراكز قوى، ....،تزوير انتخابات....،قمع المعارضة.....،اعتقالات....،تعذيب حتى
الموت....،انتهاك لحقوق الإنسان،.... إلغاء دور النقابات.... والجمعيات الأهلية....
مشاريع قومية متوقفة.... او خاسرة ....القضاء على الأمية قبل عام 2000
،

عرفت ليه مبارك لازم يمشي ؟


مشاريع
متوقفه بسبب الفساد الإداري ...
زراعة الصحراء الغربية بالقمح (مشروع اليابان)
وادي السليكون .

محطة الطاقة النووية، جامعة د/ أحمد زويل
(التكنولوجيا)

فوسفات أبو طرطور ,وادي توشكى أكثر من 2,3 مليار جنيه خسائر
بشركات القطن

....و 8 مليارات جنيه خسائر شركات الغزل والنسيج ...

و
12 مليار جنيه العجز الإجمالي لسكك حديد مصر...

خسائر 10 مليارات جنيه بقطاع
الإذاعة والتلفزيون

عرفت ليه مبارك لازم يمشي ؟

الأزمات...
فساد.... , تعليم....، إسكان....، زواج...،
بطالة، ....صحة،.... أخلاق،.... ضمير...، مرور ...., مياه نظيفة،.... صرف صحي...،
البناء على الأرض الزراعية،.... تصحر، ....زحام ....,غلاء,... انخفاض احتياطي
النقد....

الأرض الزراعية

تم تجريف مليون و200 ألف فدان أرض خضراء من
أصل 6 مليون فدان

قانون الطوارىء : 30 سنة طواريء ..

لكِ الله
يامصر

عرفت ليه مبارك لازم يمشي ؟


صفر في
افضل 500 جامعة في العالم

وصفر حتي في المونديال يامؤمن

6.8 مليون من
سكان مصر لم تصل اليهم مياه الشرب.

اشهرهم طبعا الناس اللي ساكنه في
عشوائيات فوق المقطم زي اسطبل عنتر مثلا واسألوا اي حد فيهم

تخيل
؟

48 مليون فقير يعيشون في 1109 مناطق عشوائية - أي 45% من المصريين (تقرير
صندوق النقد الدولي للتنمية الزراعية)

41% ... من إجمالي عدد السكان في مصر
فقراء (تقرير التنمية البشرية العربية 2009) (28.6% في لبنان - 30% ... في سوريا -
59.9% في اليمن).

12 مليون مصري ليس لديهم مأوى منهم 1.5 مليون يعيشون في
المقابر (الجهازا لمركزي للتعبئة العامة والإحصاء).

46% ... من الأسر
المصرية لا تجد الطعام الكافى للحركة والنشاط (تقرير لشعبة الخدمات الصحية والسكان
بالمجلس القومى للخدمات والتنمية الاجتماعية التابع للمجالس القومية
المتخصصة).

عرفت ليه مبارك لازم يمشي ؟


الحريات وحقوق الانسان

منظمة
العفو الدولية ... 18 ألف معتقل في مصر بعضهم لأسباب سياسية

40 حالة تعذيب
مثبتة رسميا في 2007 و 28 حالة في 2008 غير الحالات التي لم يمكن اثباتها(المنظمة
المصرية لحقوق الانسان).

93 حالة وفاة تحت التعذيب في 2007، 56 حالة لتعذيب
المواطنين داخل أقسام الشرطة، خلال الفترة من يونيو 2008 حتى فبراير 2009 (المنظمة
المصرية لحقوق الانسان).

عرفت ليه مبارك لازم يمشي
؟


النقل والمواصلات ...

22.4 ألف حادث سيارة في
2007.

88 ألفًا بسبب حوادث الطرق في الفترة ما بين 1990 إلى 2006 .. المركز
الأول على مستوى العالم في معدلات خسائر الأرواح بسبب سوء الطرق (الجهاز المركزى
للتعبئة العامة والإحصاء).

7394 حادث بقطاع السكة الحديد في الفترة ما بين
2000 و2006، أسفرت عن مصرع 573 شخصا وإصابة 805 آخرين.

4 مليارات جنيه خسائر
سنوية بسبب حوادث الطرق (مركز المعلومات ودعم اتخاذ القرار).

الفساد
...

39 ملياراً و373 مليوناً و524 ألف جنيه تم اهدارها في الفترة ما بين
أبريل 2008 ويناير 2009 بسبب الفساد المالي والإداري (تقرير عام 2008 لمركز
الدراسات الريفية).

8 مليار جنيه ... دعم سنوي لأنابيب البوتاجاز (يبلغ
احتياطي مصر من الغاز الطبيعي 67 تريليون قدم مكعب، وتبيع المليون وحدة حرارية
لإسرائيل 1.5 دولار والتي يتكلف انتاجها 2.65 دولار .. سعر التصدير العالمي من 6
الى 8 دولارت للمليون وحدة حرارية).

المركز 134... من بين 134 دولة في معدل
تعيين الاقارب والأصدقاء في المناصب المختلفة (تقرير التنافسية
العالمية).

المركز 115 من بين 134 دولة في مؤشر مدركات الفساد الذي يقيس
درجة انتشار الفساد بين المسئولين في الدولة (تقرير التنافسية
العالمية).

المركز 72 من 134 على مؤشر الشفافية والنزاهة لمنظمة الشفافية
العالمية في 2006، ثم المركز 105 في 2007 ثم الركز 115 في عام 2008 (منظمة الشفافية
العالمية).

المركز 77 من بين 146 دولة في تقرير منظمة الشفافية الدولية لعام
2007 (إسرائيل من أفضل 20 دولة).

عرفت ليه مبارك لازم يمشي
؟


المجال
الصحي ...

تعرف أحوال مصر الصحية ؟ .

مصر هي اكبر دولة في
الآتي.

الذبحة الصدرية ... أعلي نسبة في العالم.

البلهارسيا ... أعلي
نسبة في العالم.

بفيروس سي 18.2 % أعلى نسبة في العالم. "جامعة كوموتو
اليابانية " وإحصاءات منظمة الصحة العالمية

فشل كلوي ... أعلى نسبة في
العالم " تخيل واحنا مصر هبة النيل !".

شلل الأطفال ... موجود في 6 دول فقط
علي مستوى العالم منهم مصر .

الإكتئاب ... 20 مليون مصري وأمراض نفسية أخرى
6 ملايين " د/ أحمد عكاشة ".

عرفت ليه مبارك لازم يمشي
؟


ربع
سكان مصر بيعانوا من ضغط الدم.

أعلى معدل لوفيات الأطفال في العالم (50 طفل
لكل 1000 مولود) .. 3 في السويد .. 4 في اليابان (جهاز التعبئة العامة
والإحصاء).

29% من أطفال مصر لديهم تقزم و 14% لديهم قصر قامة حاد وطفل من
كل اثنين لديه انيميا (مديحة خطاب رئيس لجنة الصحة بأمانة سياسات الحزب
الحاكم).

9 مليون مصري مصابون بفيروس (سي) .. تحتل مصر المركز الأول في
معدلات الإصابة بالمرض على مستوى العالم

8 مليون مواطن ... مصابون بالسكر
والمركز الثاني على مستوى العالم في الوفاة بسبب المرض (مديحة خطاب رئيس لجنة الصحة
بأمانة سياسات الحزب الحاكم).

من أعلى معدلات الوفيات على مستوى العالم بسبب
انفلونزا الطيور الذي أصبح مرضاً متوطناً في مصر (إلى جانب مخاوف من توطن انفلونزا
الخازير ، ظهور حمى التيفود، مخاوف من انفلونزا الكلاب).

4% من سكان مصر ...
يعانون من مرض أنيميا البحر المتوسط الذي يصيب الأطفال (تقرير لوزارة
الصحة).

20 ألف مواطن ... يموتون سنويا بسبب نقص الدماء (تقرير لوزارة
الصحة).

اكثر من 200... حالة إصابة بحمى التيفويد، منها 164 في قرية واحدة
خلال أقل من اسبوعين (ولا يزال السيد المستشار عدلي حسين محافظاً
للقليوبية!!).

اكثر من 100 ألف ... مواطن مصري يصابون سنوياً بالسرطان بسبب
تلوث مياه الشرب (د‏.‏ أحمد لطفي استشاري أمراض الباطنة والقلب بمستشفي قصر
العيني).

عرفت ليه مبارك لازم يمشي ؟




إحصاءات أخرى ...

16 شابا من بين 100 شاب شربوا
المخدرات.

10 مليون عاطل (في سن 15 الى 29 عاما) أي 21.7% من إجمالي قوة
العمل.

9 مليون شاب تخطوا سن 35 عاماً دون زواج (5.5 مليون شاب + 3.5 مليون
فتاة) بمعدل عنوسة 17%.

255 ألف حالة زواج عرفي بين الطلبة (أي 17% من طلبة
الجامعات) نتج عنها 14 ألف طفل مجهول النسب.

المركز 129 بين 134 دولة في
معدل هجرة العقول العلمية والموهوبة وتعد أسوأ دول الشرق الأوسط في ذلك (تقرير
التنافسية العالمية).

المركز 134 من بين 134 دولة في مؤشر كفاءة سوق العمل
(تقرير التنافسية العالمية).

المركز 125 من بين 134 دولة في مؤشر استقرار
الاقتصاد الكلي (تقرير التنافسية العالمية).

وكل اللي فوق ده سببه البطاله
والفساد والرواتب اللي متأكلش عيش حاف

عرفت ليه مبارك لازم يمشي
؟

في حاجات كتير ممكن احطها لكن فعلا انا اكتئبت وانا بكتب
المقال ومش قادر اكمله

لكن اخر حاجه ياسيدي الفاضل يااخي الكريم العلاقة بين
اي شعب ورئيسه هي علاقة تعاقدية وليست علاقة ابويه بمبارك مش أبويا ومش أبوك مبارك
يشغل وظيفة رئيس الجمهورية من تلاتين سنه فياريت محدش يتكلم عن موضوع أن ليس منا من
لم يوقر كبيرنا والقصص دي

ارجوك فكر فمصلحة مصر مش مصلحة شخص مصر أكبر من أي
شخص حتى لو كان مبارك أو نظامه

بحبك يامصر

بحبكم ياشباب
الثورة


ولو ما
اقتنعتش تقدر تضغط الرابط التالي وتقرأ كلام المستشار زكريا عبدالعزيز رئيس نادى
القضاة السابق


اضغط
هنا للمتابعة


وفي
نهاية الموضوع يا ريت تضيعوا كمان 6 دقائق وتشوفوا الفيديو
ده





[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]





 
توقيع العضو : ابو تريكة




الرجوع الى أعلى الصفحة اذهب الى الأسفل
 ~|| معلومات العضو ||~
فتوح باشا
~|| بيانات العضو ||~
الجنس : ذكر
العمر : 24
الموطن : مصر
تاريخ التسجيل : 15/11/2010
عدد المساهمات : 2304
  

تاريخ كتابة المُساهمة الخميس فبراير 10, 2011 6:02 pm      

رد: لماذا يجب ان يرحل مبارك ونظامه فورا

[ندعوك للتسجيل في المنتدى أو التعريف بنفسك لمعاينة هذه الصورة]




 
توقيع العضو : فتوح باشا

الرجوع الى أعلى الصفحة اذهب الى الأسفل

لماذا يجب ان يرحل مبارك ونظامه فورا

..
الردود السريعة :
..
صفحة 1 من اصل 1




صلاحيات هذا المنتدى:لاتستطيع الرد على المواضيع في هذا المنتدى
~¤ô¦¦§¦¦ô¤~ منتديات بني حميل ~¤ô¦¦§¦¦ô¤~ :: o°°o°°o°*~.][ بني حميل - المنتدى العام ][.~* °o°°o°°o :: :: المنتدى العام ::-
 
 أفضل 10 أعضاء في هذا الأسبوع ( يتم التحديث اتوماتيكيا )



لا يتحمّل الموقع أيّة مسؤوليّة عن المواد الّتي يتم عرضها أو نشرها في منتديات بني حميل
ويتحمل المستخدمون بالتالي كامل المسؤولية عن كتاباتهم وإدراجاتهم   التي تخالف القوانين
أو تنتهك حقوق الملكيّة أو حقوق الآخرين أو أي طرف آخر.
إدارة المنتدى/ الزعـــــيم & أبويحيى

Loading...
© phpBBإتصل بنا | التبليغ عن محتوى مخالف