الرئيسيةس .و .جبحـثالتسجيلدخول
تابعنا على فيس بوك تابعنا على تويتر
أهلا وسهلا بك في منتدى قرية بني حميل التابعة لمحافظة سوهاج ، إذا كانت هذه زيارتك الأولى للمنتدى، و عندك استفسارات
يمكنك زيارة صفحة التعليمات
بالضغط هنا كما يشرفنا أن تقوم بالتسجيل بالضغط هنا اذا نسيت كلمة السر اضغط هنا




زائر الرجاء الانتباه إلى ان المتصفح الاكسبلورر يسبب مشاكل كثيرة في تصفح المنتدى ومنها مشكلة البُطء الشديد في التصفح
 
لذا انصحك باستخدام المتصفح الفايرفوكس حيث انه الافضل واسرع متصفح على الاطلاق , لتحميل المتصفح اضغط هنـــــا





العضو المميز المشرف المميز الموضوع المميز القسم المميز



ابو منار
ايمن التمن
أعلام من بني حميل
المنتدى الإسلامي
 نُرحب بالعضو(ة) الجديد(ة) ( embabi ) وندعوة  للضغط هُنا 
المواضيع الأخيرة
KGO900GGFX فرن كلوجمان فرن غاز بلت ان 90 سم 91 لتر  الخميس ديسمبر 01, 2016 12:11 pm من طرف شيرى رى         افضل شركة كشف تسربات المياه عزل مائي وحرارى للاسطح والخزانات   الخميس ديسمبر 01, 2016 1:06 am من طرف rogina         KT905X مسطح كلوجمان بلت ان غاز أستانلس ستيل فى زجاج اسود 90 سم 5 شعلات  الإثنين نوفمبر 28, 2016 1:46 pm من طرف شيرى رى         الشيخ ياسين التهامى حفله بنجا 2013 اهوا الوجوه  الجمعة أكتوبر 21, 2016 2:59 pm من طرف ابو يحيي         فيلم الــقــفـــص 2016 مترجم كامل حصريا الاكشن والقتال المنتظر بشدة  الجمعة أكتوبر 21, 2016 2:58 pm من طرف ابو يحيي         ليلة عمي الشيخ محمد ابوالوفا عاشور العارف بالله ساقلته محافظه سوهاج3  الجمعة أكتوبر 21, 2016 2:24 pm من طرف ابو يحيي         شركة كشف تسربات المياه بدون تكسير عزل مائي وحرارى  الإثنين أكتوبر 17, 2016 6:37 pm من طرف عصام بدر         فيلم Total Reality (1997) كامل - Full Movie  الإثنين أكتوبر 17, 2016 5:18 pm من طرف ridarifay         الشيخ ياسين التهامى مولد الشيخ ابو شامه فاولجه ساقلته سوهاج ج1  السبت أكتوبر 15, 2016 12:30 pm من طرف ابو يحيي         الشيخ احمد بعزق شريط مالك الملك كامل  السبت أكتوبر 15, 2016 12:51 am من طرف ridarifay         الشيخ ياسين التهامى مولد الشيخ ابو شامه فاولجه ساقلته سوهاج ج2  السبت أكتوبر 15, 2016 12:48 am من طرف ridarifay         شفاط مطبخ المانى شفاطات كلوجمان الالمانية شفاطات بوتاجاز 90 سم  الإثنين أكتوبر 03, 2016 1:08 pm من طرف شيرى رى         بوتاجاز بلت ان غاز أستانلس ستيل 60 سم كود AS5275  الإثنين سبتمبر 19, 2016 12:42 pm من طرف شيرى رى         فرن كلوجمان اندرويد فرن كهرباء بلت ان 60 سم 12 وظيفة 72 لتر KO610ICX  الأحد سبتمبر 04, 2016 12:16 pm من طرف شيرى رى         شفاط مطبخ هرمى ماركة سيلفرلاين 90 سم 5 سرعات قوة شفط 750م3/س  الخميس سبتمبر 01, 2016 12:19 pm من طرف شيرى رى        

...... | 
 

مطلوب عدد 1 رئيس جمهوريه

.."https://i35.servimg.com/u/f35/14/75/40/08/notifi11.gif">
كاتب الموضوعرسالة
 ~|| معلومات العضو ||~
حازم عيسى ابو الروس فريق المشرفينفريق المشرفين
~|| بيانات العضو ||~
الجنس : ذكر
الموطن : القاهره
تاريخ التسجيل : 07/06/2011
عدد المساهمات : 2442
  

تاريخ كتابة المُساهمة الإثنين أكتوبر 03, 2011 11:28 am      

مطلوب عدد 1 رئيس جمهوريه

مطلوب عدد 1 رئيس جمهوريه


مضايق ؟؟ ..

حاسس بكرشة نفس ؟؟ ..

من ساعة ما وقع النظام و الناس كلها بترشح نفسها لرياسة الجمهورية وانت قاعد زي البرّطه مش عارف تعمل إيه ؟؟..

معانا الحل ..

إليك عزيزي القاريء الوصايا الاثنى عشر الذهبية كي تصبح مرشحاً قوياً لرئاسةالجمهورية ..

اقرأها بتمعن وادعيلي ..

1 – في البداية لازم تعرف ان مهنة رئيس الجمهورية هي المهنة الوحيدة الأكثر غموضاً في مصر .. يعني من المعروف أنه عشان تبقى طبيب لازم يكون معاك بكالوريوس طب .. وعشان تبقى محامي لازم يكون معاك ليسانس محاماة .. أما رئاسة الجمهورية فدي الوظيفة الوحيدة اللي متعرفلهاش راس من رجلين .. لا ليها كورسات ولا مجموعات تقوية .. ولا ليها طابع في التنسيق .. ولا أي مؤهلات .. النجاح فيها بيعتمد على الستر والتوفيق والضربات الجوية .. كل ما ضرباتك الجوية بتكتر .. كل ما فرصتك في الرياسة تكون اكبر .. حاول قبل ما تترشح تكون ضاربلك ضربتين في اي حته .. انشالله في القصر الجمهوري ذات نفسه .. و لازم تفكك من قصة المؤهلات دي خالص وامشي معايا واحدة واحدة ..

2 – البداية هي الإعلام .. اعمل المستحيل عشان تطلع في التليفزيون .. اعمل قرد .. اعمل شقلباظ في الهوا .. بات في التحرير .. هدد بعودة مبارك .. اعتصم قدام ماسبيرو .. احقن سيليكون في ودانك .. اقلع ملط .. احتج قدام السفارة الاسرائيلية .. اعمل كل اللي ما يُعمل عشان تظهر في التليفزيون .. ولو حصل وطلعت .. يبقى انت كده قطعت نص الشوط .. اسعى بقى بكل جهدك انك تطلع في كل القنوات .. الاولى .. والتانية .. والتالته .. والسابعه .. اطلع في المحور .. والمنوَر .. والدفتر .. اطلع في كل البرامج الحوارية وخصوصاً البرامج اللي اسمها يحمل سمة التوقيت الزمني لأنها ناجحه جداً .. زي 48 ساعة .. العاشرة مساءاً .. برنامج بعد منتصف الليل .. وبرنامج 35 دقيقة .. وبرنامج (لسه بدري) .. وبرنامج (اصبر عليا عشان بلبش الكوتش) .. كل البرامج دي ..
اطلع في بداية الارسال وفي وسط الارسال وبعد نهاية الارسال .. اطلع في (التششش) الاخرانية دي لما التليفزيون يشطب.. لو عايز تفوز لازم تخلى الناس تحفظ وشك يا فوووووزي ..

3 – ابعد عن منى الشــاذلي .. كل اللي بيطلعوا معاها بيخشوا السجن تاني يوم ..

4 – ابعد عن عمرو أديب .. عشان هيحسسك أنك عربجي .. مش مرشح رئاسة ..

5 – لو طلعت في التليفزيون خليك حلو .. ثم خليك حلو .. ثم خليك حلو .. بلاش كلام مجعلص .. هتاكل ملبن .. اطلع في البرنامج و اتكلم كلمتين معقولين من اللي بيكلموهم عالقهوة .. الكلام الشِعبي السلس اللذيذ ده .. مش مهم عن ايه .. المهم تقوله بطريقة تحسس اللي قدامك قد ايه انت همك عالبلد .. ابتسم ابتسامة حزينة تخلي الناس تعرف ان وراها معاناة وكفاح .. احكي عن المجاري اللي طافحة في اشمون .. احكي عن العيال اللي مش لاقيه (كلّه) تشمها تحت الكوبري .. احكي عن أسى أطفال الشوارع ومعاناة شباب الديليفري في الوصول للمنازل مع تزايد الوقفات الاحتجاجية .. لازم كلامك يكون من القلب .. و مع دمعتين من عينيك هتبص تلاقي اللي قاعدين بيتفرجوا عليك بيشاوروا عليك بكل وحماس وبيقولوا لوحدهم :
" والله العظيم يا جماعه الراجل ده لو رشح نفسه انا هنتخبه .. " ..

6 – ابعد عن الرسميات .. اوعى تلبس بدل وكرافتات والحاجات دي .. لأ .. قلنا خليك حلو .. البس قميص وبنطلون .. وافتح الزراز اللي فوق (مهم قوي الزرار اللي فوق ده لو عايز تفوز بالرئاسة) .. ويا ريت لو تقلد رئيس الوزراء السابق أحمد شفيق .. الناس حبته عشان البلوفر والبنطلون .. ورغم انه راح لحال سبيله لكن يظل بلوفر أحمد شفيق عالقاً بالأذهان .. ولو مش مصدقني افتح الفيس بوك .. هتلاقي كمية الصفحات اللي طلعت على البلوفر بتاعه اكتر من محلات البلوفرات ذات نفسها ..
لما تلبس لبس بسيط كده يبقى انت ضمنت في جيبك الطبقة (المتوسطة) وهي الأغلبية من الشعب .. لو عايز تضمن الطبقة اللي بعدها في الترتيب وهي طبقة (الشباب السيس) مفيش مانع تظهر مرة أو مرتين وانت لابس بنطلون متسقط ومبين البوكسر من تحتيه .. و حاول تخلي البوكسر بألوان علم مصر .. الأصفر والأخضر والمشمشي .. هتفرق كتير .. و متحطش النسر عالبوكسر .. لانك لو حطيته هتلاقيه لازق بالظبط على المؤخرة .. وده بيدي ايحاء مش حلو ..
ممكن تقرب من لبس الطبقة اللي بعد كده وهي الطبقة الفقيرة المعدمة .. بس بيتهيالي انه صعب قوي تطلع في التليفزيون وانت ملط ... ملط يا بكوغتي ملط ..

7 – خلي فيه 3 جمل في بؤك علطول ..
(احنا) عايزين ديمواقراطية ..
(احنا) عايزين عدالة اجتماعية ..
(احنا) عايزين مساواة ما بين الأفراد ..
مين (احنا) ؟ .. مش مهم .. المهم ان فيه (احنا) وانهم موجودين و عايزين .. وطالما بقى فيه (احنا) .. يبقى اكيد فيه (هم) .. والشعب المصري طول عمره بيخاف من (هم) دي .. (هم) بيثيروا الفتن .. (هم) بيحاولو يبوظوا الدنيا .. (هم) فلول النظام .. مين (هم) دول بقى ؟؟ .. مش مهم برضه.. المهم انهم موجودين ومتربصين .. ووحشين قوي ..

8 – اللي يسألك ايه هو برنامجك الإنتخابي اتهمه بالإرهاب والعمالة والماسونية .. برنامج ايه يا ابو برنامج .. البرامج ماتت في الحرب يا خويا .. ولو ضغطوا عليك عشان تقول برنامجك .. قولهم معنديش .. حتى لو عندك جووووه ..

9 – لتاني مرة بقولك منى الشاذلي لأ .. لأ .. لأ ..

10 – حاول تهرب من الأسئلة الاختيارية بدبلوماسية عشان متخسرش حد ..
لو حد سألك انت اشتراكي ولا رأسمالي ..قوله انا اشتراكي الصبح .. راسمالي بعد الظهر .. وفي الوقت اللي ما بينهم بكون نايم مبحسش بحاجه ..
لو حد سألك انت علماني ولا ماسوني .. قولهم انا علماني في الاساس .. ولكن لما الجزمة بتضيق على رجلي بكفر آخر كُفر وبتحول للماسونية في لحظة ..
السؤال الوحيد اللي تجاوب فيه اجابة صريحة :
انت اهلاوي ولا زملكاوي؟ ..
قوول أهلاوي وانت مطمن .. كده انت ضمنت الرياسة .. وعشان ميحصلش انقلابات خلى وزير الرياضة زملكاوي والنائب بتاعه اسماعيلي .. عشان يطقشوا في بعض ويخلالك الجو مع دينا ومزارعها ..

11 – لازم ولا بد يكون ليك صفحة رسمية عالفيس بوك .. واعمل آدد للشعب كله .. التمانين مليون .. و لازم يبقى فيه تواصل .. اعمل معاهم شات ساعتين كده كل يوم قبل ما تنام .. الشعب كله بجميع طوائفه .. مش تعمل شات مع المزز وتسيب بقيت الناس .. ومتكدبش وتقول انك دخلت الشات و ملقتش حد من الشعب اونلاين .. لان الشعب كله عنده الاكسبلورر الجديد اللي الشات بتاعه منه فيه ومش بيعلق ..

12 – لو قررت تعمل يافطات انتخابية في الشوارع .. حاول الله يكرمك أن اليافطة متبقاش كلها شنبك .. ولو هتكتب آيه قرانية اكتبها صح .. ولو هتكتب حديث متكتبش في أوله بسم الله الرحمن الرحيم .. ولو اليافطة دي اهداء من حد بلاش يحط صورته معاك .. وخد مني النصيحة دي :
"الأموات لا ينتخبون" ..
فبلاش حد مرحوم ينتخبك ..

ودي كانت خطوات بسيطة جداً لو عايز تنافس كمرشح لرئاسة الجمهورية ..

وان شاء الله المقالة الجاية نقولك فيها ازاي تتغلب على الانقلابات اللي هتحصل تاني يوم لما تمسك الرئاسة بعون الله لأن واحد زيك مصدق الكلام اللي فوق ده مش هيعمر أكيد.. هنقولك ازاي تتغلب على الانقلابات وتوظف البلطجية توظيف مزبوووط .. وازاي تبقى انت و الشرطة والجيش ايد واحده .. والشعب يبقى مع نفسه ..
فانتظرونا ..
منقول من كتاب : فانلة داخلية تتسع لعدة أشخاص - أدب ساخر بقلم خالد بيومي فهمي

تحياتي : حازم





 
توقيع العضو : حازم عيسى ابو الروس


المبــــــــــــــــــــــــــــــــــدع

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

الرجوع الى أعلى الصفحة اذهب الى الأسفل
 ~|| معلومات العضو ||~
ابو يحيي
~|| بيانات العضو ||~
الجنس : ذكر
الموطن : مصر
تاريخ التسجيل : 02/04/2010
عدد المساهمات : 6002
  

تاريخ كتابة المُساهمة الثلاثاء أكتوبر 04, 2011 2:15 pm      

رد: مطلوب عدد 1 رئيس جمهوريه

[ندعوك للتسجيل في المنتدى أو التعريف بنفسك لمعاينة هذا الرابط] كتب:
مطلوب عدد 1 رئيس جمهوريه

وخد مني النصيحة دي :
"الأموات لا ينتخبون" ..
فبلاش حد مرحوم ينتخبك ..


هما دول بالذات عمرهم ماغابوا عن الانتخابات

لاالشعب ولاالشورى ولاانتخابات الرئاسة

دائماً يدلون بأصواتهم في الانتخابات

اول الناس الله يرحمهم

ويحسن إليهم






 
توقيع العضو : ابو يحيي


سبحان الله وبحمده سبحان الله العظيم
عدد خلقه ورضاء نفسه وزنة عرشه
ومداد كلماته

مرر الماوس
[ندعوك للتسجيل في المنتدى أو التعريف بنفسك لمعاينة هذا الرابط]
منتديات بني حميل
[ندعوك للتسجيل في المنتدى أو التعريف بنفسك لمعاينة هذه الصورة]

الرجوع الى أعلى الصفحة اذهب الى الأسفل
 ~|| معلومات العضو ||~
حازم عيسى ابو الروس فريق المشرفينفريق المشرفين
~|| بيانات العضو ||~
الجنس : ذكر
الموطن : القاهره
تاريخ التسجيل : 07/06/2011
عدد المساهمات : 2442
  

تاريخ كتابة المُساهمة الأربعاء أكتوبر 05, 2011 12:22 pm      

رد: مطلوب عدد 1 رئيس جمهوريه

[ندعوك للتسجيل في المنتدى أو التعريف بنفسك لمعاينة هذه الصورة]




 
توقيع العضو : حازم عيسى ابو الروس


المبــــــــــــــــــــــــــــــــــدع

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

الرجوع الى أعلى الصفحة اذهب الى الأسفل
 ~|| معلومات العضو ||~
ايمن التمن المراقب العامالمراقب العام
~|| بيانات العضو ||~
الجنس : ذكر
العمر : 35
الموطن : بني حميل
تاريخ التسجيل : 07/05/2010
عدد المساهمات : 9501
  

تاريخ كتابة المُساهمة الخميس أكتوبر 06, 2011 3:08 am      

رد: مطلوب عدد 1 رئيس جمهوريه

بصراحه موضوع رائع

كان نفسي اعلق علي كل كلمه حلوه اتكتبت فالموضوع ده بس كده هضيف تعليقات علي كل كلمه

يسلموا الايادي





 
توقيع العضو : ايمن التمن


[ندعوك للتسجيل في المنتدى أو التعريف بنفسك لمعاينة هذه الصورة]

الرجوع الى أعلى الصفحة اذهب الى الأسفل
 ~|| معلومات العضو ||~
ناصر جاد عضو مميزعضو مميز
~|| بيانات العضو ||~
الجنس : ذكر
العمر : 40
الموطن : قرية بنى حميل
تاريخ التسجيل : 12/10/2010
عدد المساهمات : 1737
  

تاريخ كتابة المُساهمة الجمعة أكتوبر 07, 2011 2:02 am      

رد: مطلوب عدد 1 رئيس جمهوريه

يسلمو يا حازم موضوع رائع
والله فكرة الواحد يرشح نفسة
وبنسبة للاصوات الاموات دى يا اخ حازم قمة الوفاء منا لما نخليم يصوتو فى الانتخابات
الشعب الوفى للا موات لازم يخليهم يصوتو فى الانتخابات عشان نحس بوجودهم معانا
وبعدين من ناحية الصفحة على الفيس بوك الحمد لله موجودة وانت مشرف عليها بس همتك معانا نجمع الشعب كلة فيها يا نجم
وساعتها هعملك وزير للداخلية


ما تخافش مش هتكون كبش فداء
تقبـــــــــــــــــــل مــــــــــــــــــرورى ابو احمـــــــــــد





 
توقيع العضو : ناصر جاد


مـــــــــــــــــــــــــــــرر المــــــــــــــــــــــــــــــــوس


[ندعوك للتسجيل في المنتدى أو التعريف بنفسك لمعاينة هذا الرابط]

الرجوع الى أعلى الصفحة اذهب الى الأسفل
 ~|| معلومات العضو ||~
حازم عيسى ابو الروس فريق المشرفينفريق المشرفين
~|| بيانات العضو ||~
الجنس : ذكر
الموطن : القاهره
تاريخ التسجيل : 07/06/2011
عدد المساهمات : 2442
  

تاريخ كتابة المُساهمة الإثنين أكتوبر 17, 2011 11:59 pm      

رد: مطلوب عدد 1 رئيس جمهوريه

[ندعوك للتسجيل في المنتدى أو التعريف بنفسك لمعاينة هذه الصورة]




 
توقيع العضو : حازم عيسى ابو الروس


المبــــــــــــــــــــــــــــــــــدع

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

الرجوع الى أعلى الصفحة اذهب الى الأسفل
 ~|| معلومات العضو ||~
mrg751 عضو مميزعضو مميز
~|| بيانات العضو ||~
الجنس : ذكر
الموطن : مصر
تاريخ التسجيل : 29/12/2009
عدد المساهمات : 2583
  

تاريخ كتابة المُساهمة الثلاثاء أكتوبر 18, 2011 6:12 am      

رد: مطلوب عدد 1 رئيس جمهوريه

سيبك من الهواقص كله همزات ولمزات

ممكن نرشح عضو من المنتدي مين يصلح يكون رئس مصر





 
توقيع العضو : mrg751




[ندعوك للتسجيل في المنتدى أو التعريف بنفسك لمعاينة هذه الصورة]ربي احفظ بني حميل من شر الفتن

[ندعوك للتسجيل في المنتدى أو التعريف بنفسك لمعاينة هذه الصورة]

الرجوع الى أعلى الصفحة اذهب الى الأسفل
 ~|| معلومات العضو ||~
حازم عيسى ابو الروس فريق المشرفينفريق المشرفين
~|| بيانات العضو ||~
الجنس : ذكر
الموطن : القاهره
تاريخ التسجيل : 07/06/2011
عدد المساهمات : 2442
  

تاريخ كتابة المُساهمة الجمعة أكتوبر 21, 2011 3:47 am      

رد: مطلوب عدد 1 رئيس جمهوريه

انت لها يا ابو محمد وكلنا معاك بس ابقى شوفنى حتى بوزاره الماليه وانا هبسطكم على الاخر

Twisted Evil





 
توقيع العضو : حازم عيسى ابو الروس


المبــــــــــــــــــــــــــــــــــدع

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

الرجوع الى أعلى الصفحة اذهب الى الأسفل

مطلوب عدد 1 رئيس جمهوريه

..
الردود السريعة :
..
صفحة 1 من اصل 1




صلاحيات هذا المنتدى:لاتستطيع الرد على المواضيع في هذا المنتدى
~¤ô¦¦§¦¦ô¤~ منتديات بني حميل ~¤ô¦¦§¦¦ô¤~ :: o°°o°°o°*~.][ بني حميل - المنتدى العام ][.~* °o°°o°°o :: :: المنتدى العام ::-
 
 أفضل 10 أعضاء في هذا الأسبوع ( يتم التحديث اتوماتيكيا )

شيرى رى
rogina
 
 


لا يتحمّل الموقع أيّة مسؤوليّة عن المواد الّتي يتم عرضها أو نشرها في منتديات بني حميل
ويتحمل المستخدمون بالتالي كامل المسؤولية عن كتاباتهم وإدراجاتهم   التي تخالف القوانين
أو تنتهك حقوق الملكيّة أو حقوق الآخرين أو أي طرف آخر.
إدارة المنتدى/ الزعـــــيم & أبويحيى

Loading...
© phpBBإتصل بنا | التبليغ عن محتوى مخالف