الرئيسيةس .و .جبحـثالتسجيلدخول
تابعنا على فيس بوك تابعنا على تويتر
أهلا وسهلا بك في منتدى قرية بني حميل التابعة لمحافظة سوهاج ، إذا كانت هذه زيارتك الأولى للمنتدى، و عندك استفسارات
يمكنك زيارة صفحة التعليمات
بالضغط هنا كما يشرفنا أن تقوم بالتسجيل بالضغط هنا اذا نسيت كلمة السر اضغط هنا




زائر الرجاء الانتباه إلى ان المتصفح الاكسبلورر يسبب مشاكل كثيرة في تصفح المنتدى ومنها مشكلة البُطء الشديد في التصفح
 
لذا انصحك باستخدام المتصفح الفايرفوكس حيث انه الافضل واسرع متصفح على الاطلاق , لتحميل المتصفح اضغط هنـــــا





العضو المميز المشرف المميز الموضوع المميز القسم المميز



ابو منار
ايمن التمن
أعلام من بني حميل
المنتدى الإسلامي
 نُرحب بالعضو(ة) الجديد(ة) ( evoveky ) وندعوة  للضغط هُنا 
المواضيع الأخيرة
تصميمات دريسنج روم – افضل سعر 01013843894  أمس في 5:39 pm من طرف ديانا دودو         غرف دريسنج روم – افضل سعر 01207565655  أمس في 5:04 pm من طرف ديانا دودو         اسعار دريسنج روم – اسعار مميزة (للاتصال 01207565655 )  أمس في 4:16 pm من طرف ديانا دودو         افضل شفاطات 90 سم بافضل سعر 01110060597  أمس في 4:07 pm من طرف نسرين نانا         افضل شفاطات 60 سم البا 01207565655  أمس في 3:48 pm من طرف نسرين نانا         شركة دريسنج روم – افضل سعر 01207565655  أمس في 3:42 pm من طرف ديانا دودو         شركه تشطيبات(شركه عقاري للتنميه واداره المشروعات)01020115116  أمس في 3:42 pm من طرف meroroma         شركه ديكورات(شركه عقاري للتنميه واداره المشروعات)01020115116  أمس في 3:39 pm من طرف meroroma         افضل شفاط 90 سم بافضل سعر 01110060597  أمس في 3:14 pm من طرف نسرين نانا         شركات تشطيب (شركة عقاري للتنمية وأداره المشروعات 01020115116)  أمس في 3:09 pm من طرف sarafathy         شركات تشطيب (شركة عقاري للتنمية وأداره المشروعات 01020115116)  أمس في 3:06 pm من طرف sarafathy         افضل شفاط 60 سم باسعار مميزة 01110060597  أمس في 2:32 pm من طرف نسرين نانا         احدث دريسنج روم – افضل سعر 01013843894  أمس في 2:31 pm من طرف ديانا دودو         فرن غاز – افضل سعر 01110060597  أمس في 1:59 pm من طرف نسرين نانا         فرن 60 سم – افضل سعر 01110060597  أمس في 1:32 pm من طرف نسرين نانا        

...... | 
 

إذا كنتم ترون أن الوقت غير مناسب

.."https://i.servimg.com/u/f35/14/75/40/08/notifi11.gif">
كاتب الموضوعرسالة
 ~|| معلومات العضو ||~
النقشبندى عضو مميزعضو مميز
avatar
~|| بيانات العضو ||~
الجنس : ذكر
الموطن : بنى حميل
تاريخ التسجيل : 29/03/2010
عدد المساهمات : 2894
  

تاريخ كتابة المُساهمة الإثنين سبتمبر 19, 2011 6:02 pm      

إذا كنتم ترون أن الوقت غير مناسب

** الإضراب حق وليس جريمة .

** إذا كنتم ترون أن الوقت غير مناسب ............. فهل الوقت كان مناسباً لإضراب الشرائح التالية :-

1- الشرطة التي قامت ضدها الثورة وعطلوا الأمن ثم حصلوا علي 400 % وده
كلام من أقارب ليا في جهاز الشرطة بالجيزة وخلي بالك هل يقوموا بعملهم الآن
)

2– البنوك – البورصة ..........................وعطلوا
اقتصاد البلد وخسرت البلد مليارات ( حد يقولي قبل الثورة كانوا بيقبضوا
كام والآن يتقاضون كام .......... لأنهم غلابة مش عارفين يشتروا ڤلل جديدة
علي البحر )

3- الضرائب والمالية ................وعطلوا اقتصاد البلد أيضاً علشان تحسين ظروفهم ويغيروا العربية اللي بقالها سنة عندهم )

4– موظفوا الشهر العقاري ................. و عطلوا مصالح المواطنين .

5–القضاة ................ وما أدراك ما القضاة فهم رجال العدل وعطلوا قضايا الدولة .

6- عمال السكك الحديدية وقاموا بتعطيل حركة القطارات .................. طيب دول غلابة زينا .

7- البريد .................. وعطلوا مصالح المواطنين و معاشاتهم
........... رغم ان ليا أقارب في البريد قبل الثورة كانوا بيقبضوا أكتر مني
مرتين رغم تأخر تعيينهم عني بسنتين .

8- الأطباء ...........
وعرضوا حياة المواطنين للخطر وما زال ............... أصل العيادة بتجيب
دخل ضعيف ما هي زى الدروس الخصوصية .

9- المحامين ............... تقريباً الي حد علمي علشان الرسوم والله أعلم .

10- المهندسين وما زالوا مضربين .

11- موظفي ديوان وزارة التربية والتعليم ( مفاجأة صح ) ............ وانتم
عارفين بيقبضوا كام ............... وبعد مجيء الوزير من الهند مباشرة قرر
صرف حوافز بمعدل 120 % لهم ............... علي حد علمي .

12- أساتذة الجامعات ........................ أنا كنت في الجامعة عام 1996م وكان الكتاب بـ 25 جنية وشوف كام طالب فعلاً غلابة .

13- البترول ......... معقول دول بيقبضوا ................... ايه د هانا
مش مصدق دا أنا ليا قريبي مدير امن نادي شركة بترولية بيقبض
..................... توقعوا كام ومعاه دبلوم تجاره ( قد 70 مدرس حديث ) .

14- ............... 15- ...................... 16- ....................... 17- ........................... أنا زهقت .

** اتقوا الله في المعلم ( دا المعلم ده هو آخر واحد قال عايز حقي ) بعد ما كل من علمهم حصلوا علي حقوقهم كاملة .

** نريد كرامة المعلم .

** الإضراب لم يكون مفاجئ علشان نقول ذنب الولد ايه ............ الاضراب
كان نتيجة عدة وقفات احتجاجية في الأجازة اللي كان فيها الطالب بأسرت وجميع
الموظفين علي البلاجات أما المعلم علي الأرصفة أمام الوزارة ومجلس الوزراء
بيطلب حقوقه ولم يهتم أحد فتارة يقول رضا أبو سريع خليكم انبحوا ومحدش
هيسمعلكم ( كده المعلم بالنسبة له كلب ) ، وتارة الوزير في أمريكا وتارة
بالهند ومحدش عملنا احترام رغم ان إحنا وصلنا لمظاهرة ربع أو نصف مليونية
وقالوا عنهم عشرات المعلمين ومئات المعلمين وبعضهم قال 10 آلاف معلم بعد ما
قمنا بطردهم من هناك ........... إعلام كاذب زي زمان – وزير كاذب بيتولي
مهمة التربية والتعليم – مستشارين فاسدين مش بيحترمونا ) .

- بعد
كل ده قلنا يا سيادة الوزير لسه اسبوع علي الدراسةوسو ندخل في اضراب مفتوح
رد وقال لا يجرأوا ( يبقي المعلم جباااااان ) – دول قلة ( مليون و 600 ألف
معلم قلة ) مفيش إدراك بالقيمة العددية .

- الوزير كان عارف ان في
اضراب ومجلس الوزراء اللي معبرناش – و القيادات الصامته حتى الآن في قضية
المعلم – و أولياء الأمور عارفين – والطلبة عارفين ) وكلهم بيستهزأوا من
إمكانية تحقيق ذلك ............... مهو المعلم غلبان وجبان.

- هل
اضراب المعلم يعرض الأرواح للخطر والاقتصاد للتدمير وتعطيل مصالح الشعب
............... خلي بالك الوزير أصر علي بدأ العام الدراسي يوم 17 / 9
وقالهم بالنص ( خلوه ترفيه ونشاط وده حصل عندنا في المدرسة ) يعني استهزاء
بالمعلم .

- المطالب ليست مادية فقط بل معنوية واجتماعية وتعليمية
تخص الطالب وولي الأمر أيضاً .... ورغم ذلك يحاول تشويه صورة المعلم علي
أنه جشع عايز فلوس بس وميهموش مصلحة البلد اشمعنا المعلم .

- اشمعنا المعلم خرج من حافز 200 % ............... علشان مطلبش حاجة في أول 6 شهور من الثورة .

- قالوا دول بيدوا دروس ................. فعلاً بس كام مدرس بيدي دروس ( النسبة لا تتعدي 15 % ) والباقي راح فين .

- بيقولوا المعلم لا يهتم بالطلاب و أولياء الأمور .............. أليس المعلم ولي أمر ولديه أبناء يتعلمون .

- الأقلية تطلب من المعلم الصبر ونسوا ان هو الضحية ولماذا لم يخاطبوا
القاتل ويطلبوا منه تنفيذ المطالب الأخرى ثم إدراج جدول زمني
..................... من باب احترام المعلم الذي ينبح من وجهة نظرهم ( اسف
علي التعبير المشتق منهم ) .

- بيقولوا ضيعوا فرحة التلميذ
بالملابس الجديدة والشنطة والجزمة ............ وأنا مش زيهم ...........
عايز أجيب لأبني ملابس جديدة وشنطة وجزمة زيهم ................. الآن انا
أبكي علي حال المعلم المصري .

- يقولوا أدي فرصة للنقابة
............. وليه المصالح الأخرى التي أضربت لم تعطي فرصة لنقابتها
............. دا أول موقف لمعظم أعضاء النقابة ومعلميهم أنهم ضد الإضراب
............. يا جماعة احترموا المعلم هو المعلم جاهل مش فاهم الكلام د
هدا للأسف المعلم هو أفضل عنصر في المجتمع ذكاءاً و بيقدر يفهم اللي قدامه .

- بيقولوا معملتوش الإضراب ده قي عهد النظام السابق ليه .............. ومين كان يقدر يعملوا ؟ يقولي ؟ .

- علي فكرة الإضراب هو أول درس للطالب في الحصول علي حقوقه بالطرق السلمية وعدم التنازل عنها وهذا هو فكر ثورة 25 يناير .

- أليست الديمقراطية مع رأي الأغلبية ............................. المضربون هم الأغلبية .

- الوزير بيقول 140 مدرسة أضربت اليوم ............... اللي مصدق الكلام
ده يكتب اسمه في التعليق دا في كفر الشيخ فقط أكتر من الرقم ده مرة ونصف
.............. امال باقي الجمهورية فين ............... هل يعقل أن يكون
وزيرالتربية والتعليم كذااااااااااااااااااااب .................. وأنتم
تعلمون ذلك .

- يعني ايه اللي مش عاجبه يقدم استقالته هي المؤسسات التانية قدمت استقالتها .

- هل الاضراب حراااااااااااااااااااام ؟ ................. اذكروا نص من القرآن والسنة أو القياس .

- بيقولوا ليه مفيش اضراب عن الدروس طالما فيه إضراب في المدرسة
................. هو الطبيب قفل عيادته ولا المهندس قفل مكتبه هو والمحامي
و....... و ............... و ................. ( رغم أني أؤيد هذا
الكلام ومعه تماماً ) .

** علي فكرة أنا زهقت من الكتابة للناس اللي مش حاسة بينا .................... يعني هقول جملتين في النهاية ...............

- حسبي الله ونعم الوكيل فيمن يملك القدرة علي التضامن أو الحل ويحاول فعل غير ذلك .

- نحن مضربووووووووووووووووووووووووووووووووووووون
حتى الحصول علي حقوقنا وحقوقكم معنا ووقتها هلي تتنازلون عن حقوقكم ولا
هتأخذوها زينا ......................... ردوا عليا .

بقلم ا/ قتح الله النحراوى[/b]






 
توقيع العضو : النقشبندى


[ندعوك للتسجيل في المنتدى أو التعريف بنفسك لمعاينة هذه الصورة] [color=blue]محمد عبده النقشبندى [/url] ربما أكون رجل بقلب طفل ولكن لا أرحم من يخدعنى لا أجامل من يتبعنى لا استسلم لكيد الاعداء لا أهاب حتى الاقوياء لا أخاف الا الله [ندعوك للتسجيل في المنتدى أو التعريف بنفسك لمعاينة هذه الصورة]

الرجوع الى أعلى الصفحة اذهب الى الأسفل
 ~|| معلومات العضو ||~
ناصر جاد عضو مميزعضو مميز
avatar
~|| بيانات العضو ||~
الجنس : ذكر
العمر : 42
الموطن : قرية بنى حميل
تاريخ التسجيل : 12/10/2010
عدد المساهمات : 1737
  

تاريخ كتابة المُساهمة الثلاثاء سبتمبر 20, 2011 3:52 am      

رد: إذا كنتم ترون أن الوقت غير مناسب

اخى الغالى محمد انا عارف ان من حق المدرس انة يطالب بحقة واى حد شايف تفسة حقة منقوص او مهدور من حقة ان يطالب بحقة ولكن شريطة ان لا يعطل الاخرين يعنى نقدر تقولى اية ذنبى انا والى امر طالب او اثنان فى المدراس الحكومية يضيع مستقبل ولادى بسبب المدرس اللى مش عايز يروح المدرسة كلنا غضبنا لما الاطباء عملو اضراب ولكن اضراب الاطباء ماثرش زى اضراب المدرسين عشان مفيش حد اصلا بيروح السنشفيات العامة عشان عارفين كويس انها مفيهاش اى خدمات بتقدم لاى مريض انما المدرس بقى يا صاحبى والمدارس مين هيقدر على تكلفة المدارس الخاصة ولو كان فية 10 فى المية تقدر باقى الطلاب وباقى اولياء الامور يعملو اية لية تاخدنى بذنب غيرى حضرتك شايف صياعة العيال فى الشوارع مش المفروض كلنا نحط ايدنا فى ايد بعض ونقضى على صياعة العيال دى ......................... ارجو ان حضرتك ما تزعلش من كلامى وما تخدش ردى على موضيع اضراب المدرسين على انة سخرية منى لا سمح الله بس انا شايف انة فعلا الوقت مش مناسب وكمان مش بطريقة دى يكون الاضراب يعنى مشوها مظاهرات فى يوم الاجاة يا اخى وان شاء الله ربنا هيسهل وتتحل مشكلتكم وتريحو دماغنا بقى من ا لصداع دة بقى كل يوم حرام عليكم عايزين نشوف شغلنا شوية




 
توقيع العضو : ناصر جاد


مـــــــــــــــــــــــــــــرر المــــــــــــــــــــــــــــــــوس


[ندعوك للتسجيل في المنتدى أو التعريف بنفسك لمعاينة هذا الرابط]

الرجوع الى أعلى الصفحة اذهب الى الأسفل
 ~|| معلومات العضو ||~
ناصر جاد عضو مميزعضو مميز
avatar
~|| بيانات العضو ||~
الجنس : ذكر
العمر : 42
الموطن : قرية بنى حميل
تاريخ التسجيل : 12/10/2010
عدد المساهمات : 1737
  

تاريخ كتابة المُساهمة الثلاثاء سبتمبر 20, 2011 3:55 am      

رد: إذا كنتم ترون أن الوقت غير مناسب

على فكرة انا شايف الموضوع دة يستحق النقاش عشان نقارب وجهات النظر فية يا ريت الاخوة الاعضاء يتفاعلو مع الموضوع وبلاش الرد بكلمة رائع مبدع يا ريت كل واحد يقول رئية بكل حرية ...........وما تخافوش مش عشان النقشبندى مراقب عام تجاملوة كل واحد يقول رائة بصراحة ومن وجه نظرو والاختلاف فى الرئ لا يفسد للود قضية ................تحياتى للجميع




 
توقيع العضو : ناصر جاد


مـــــــــــــــــــــــــــــرر المــــــــــــــــــــــــــــــــوس


[ندعوك للتسجيل في المنتدى أو التعريف بنفسك لمعاينة هذا الرابط]

الرجوع الى أعلى الصفحة اذهب الى الأسفل

إذا كنتم ترون أن الوقت غير مناسب

..
الردود السريعة :
..
صفحة 1 من اصل 1




صلاحيات هذا المنتدى:لاتستطيع الرد على المواضيع في هذا المنتدى
~¤ô¦¦§¦¦ô¤~ منتديات بني حميل ~¤ô¦¦§¦¦ô¤~ :: o°°o°°o°*~.][ بني حميل - المنتديات التعليمية ][.~* °o°°o°°o :: :: المنتدى التعليمي ::-
 
 أفضل 10 أعضاء في هذا الأسبوع ( يتم التحديث اتوماتيكيا )

نسرين نانا
ديانا دودو
nemoooo
meroroma
sarafathy
evoveky
محلل بالأسواق
 
 
 
 
 
 
 


لا يتحمّل الموقع أيّة مسؤوليّة عن المواد الّتي يتم عرضها أو نشرها في منتديات بني حميل
ويتحمل المستخدمون بالتالي كامل المسؤولية عن كتاباتهم وإدراجاتهم   التي تخالف القوانين
أو تنتهك حقوق الملكيّة أو حقوق الآخرين أو أي طرف آخر.
إدارة المنتدى/ الزعـــــيم & أبويحيى

Loading...
© phpBBإتصل بنا | التبليغ عن محتوى مخالف